العضلات الدقيقة : سوء الخط لدى الصغار 

الرئيسية » الأرشيف العام » منوعات » علاج وظيفي » تقوية العضلات » العضلات الدقيقه » العضلات الدقيقة : سوء الخط لدى الصغار 
شارك المنشور وعزز فرصك بالربح:

العضلات الدقيقة : سوء الخط لدى الصغار

مشكلة سوء الخط هى مشكلة أمهات كتير بيعانوا منها مع أولادهم، خط غير واضح ولا منظم بيؤدى لعدم قدرة المدرسين على قرائته وتصحيح الواجب أو الامتحان بشكل سليم.
المشكلة دى بترجع لأسباب مختلفة منها

تعجل المدارس على الكتابة قبل نضج العضلات الدقيقة للطفل مما يؤدى إلى إحساس الطفل بالتعب وعدم القدرة على التحكم فى القلم بشكل سليم،

مسكة القلم الغير سليمة وبالتالى الحروف بيكون شكلها غير سليم وبيتعود الطفل على المسكة دى

ضغط الأمهات على الأطفال إنهم يكتبوا كتير بالإضافة للواجبات الكتيرة بعد إرهاق يوم طويل فى المدرسة

الحل :
عدم الضغط على الطفل فى موضوع الكتابة فى سن الحضانة واستبدالها بالتدريبات اليدوية زى كتابة الحروف بالصلصال والحبال والغرز

تنمية مهارات العضلات الدقيقة عن طريق تدريبات التحكم فى الأيدى، تمارين القص واللزق، التقاط أشياء دقيقة وتركيبها

تدريب الطفل من صغره على مسكة القلم السليمة
تعليم الأطفال دقة ملاحظة للخطوط من خلال نقل رسمة بتفاصيلها الدقيقة أو عمل سطرين وبينه أشكال مختلفة بشكل منتظم
والطفل يقوم بتقليدها بنفس الترتيب والدقة، زى شكل دائرة، مثلث، مربع، شكل حلزونى أو نصف دائرة وبكده هيقدر مع التدريب
يحسن شكل الحروف فى الكتابة

والأكيد إن حل مشكلة سوء الخط مش بيكون عن طريق كتر الكتابة !!

شارك المنشور وعزز فرصك بالربح:
2018-12-10T12:36:05+00:00 العضلات الدقيقه|